K D Sedani

વહેલી સવારે

મારી બાલ્કની બારીમાંથી

નિહાળી રહ્યો હતો

શહેરના લાંબા લાંબા રોડ અને રસ્તાઓ

બેફામ દોડતા વાહનો

વારંવાર ટ્રાફિક જામ કરી દેતા હતા

તેના કર્કસ અવાજોથી

કાનમાં કંઇક રેડાતું હોય એવું લાગતું હતું,,

લોકોની દોડાદોડી, ફેરિયાઓની ચીસો

આ બધા કોલાહલથી ત્રસ્ત થઈને

બારી બંધ કરી દીધી

કોલાહલ અને શોર બકોર

સાંભળવામાં

કાનને મુક્તિ તો મળી

પણ ભીતર 

ઘર કરી ગયેલો

સન્નાટો યુગોથી

મને અકળાવી રહ્યો છે

તેનો છે કોઈ પાસે ઈલાજ ?