K D Sedani

રવિવારે ઉનાળાની એક બપોરે

લંચ પતાવી ને થોડો આરામ કરવાની ઈચ્છા સાથે

મારા રૂમમાં ઘૂસી આવેલા

તડકા ને રોકવા

દરવાજો બંધ કર્યો

તો તડકાનો એક ટુકડો

બારીમાંથી ઘૂસી ગયો

હવે થાય છે કે

આ તડકાનો ટુકડો ઓઢીને

થોડી ઊંઘ ખેંચી લઉં ?

      (૨)

ચોમાસામાં 

વરસાદમાં ભીંજાવાની

મજા માણવી હોય તો

ઉનાળાનો ધોમધખતો

તડકો પીવો પડે ,,!

      (૩)

અસહ્ય ગરમીથી કંટાળીને

સુરજ ને

એક દિવસ

ટાઢક કરવાનું મન થયું 

અને તેમણે

બપોરે 

દરિયામાં ડૂબકી લગાવી દીધી !