K D Sedani

પાનખરમાં સાવ

હાડપિંજર જેવું દેખાતું

વૃક્ષ

ક્યારે પણ

વસંત આવવાની માનતા

નથી કરતું !

 (2)

વૃક્ષોને કાપીને

થાકી ગયેલો કઠિયારો

ધોમધખતા એક બપોરે

ઘટાદાર વૃક્ષની છાયામાં

આરામ ફરમાવી રહ્યો હતો !

       (3)

રાતના સુમારે

મારી સેટી પલંગ નજીક

 જાણે

વૃક્ષ નો આત્મા

મારી આસપાસ ભમી રહ્યો હતો !?

      (4)

પાંદડા પણ માણસની જેમ

કલર બદલે ત્યારે

વૃક્ષ તેને તરછોડી દે છે

નહિતર

વૃક્ષ ને ક્યાં

પાંદડા નો ભાર

લાગતો હતો !!